56 / 60
Prevención de Riscos Laborais en Autoescolas
54
Está controlado o almacenamento de materiais combustibles?
Se se almacenan materiais combustibles, prestar especial atención á súa almacenaxe e
a súa normativa.
Disponse dunha instalación de extinción (normalmente extintores) adecuada ao
risco existente e debidamente sinalizada, instalada por unha entidade competente e
sometida a revisións periódicas?
Deben existir extintores en determinados puntos dos centros de traballo. A súa
localización dependerá das zonas de máxima ocupación e onde haxa puntos de risco:
preto de fontes de calor, caldeiras, almacenaxe de produtos inflamables, etc. Deben
estar situados de forma visible, de acceso fácil e a unha altura non maior de 1.50 m.
Compróbase con regularidade o estado da instalación de extinción?
Os extintores e outras fontes de extinción deben pasar revisións periódicas.
As vías e saídas de evacuación están sinalizadas e mantéñense libres de obstáculos
en todo momento?
É moi importante que as vías e saídas de evacuación estean libres de obstáculos. O
incumprimento deste apartado é un risco moi grave que pode xerar consecuencias
funestas para a integridade das persoas en caso de emerxencia.
Disponse de iluminación de emerxencia e sinalización para facilitar a evacuación do
local?
De non ser así, instalar de maneira urxente.
As portas de emerxencia abaten cara ao exterior e pódense abrir desde dentro sen
necesidade de chave?
As portas que abren cara ao interior están prohibidas, pois teñen o risco de quedar
bloqueadas por avalancha de persoas no caso de que se produza a necesidade de
evacuar o local.