42 / 60
Prevención de Riscos Laborais en Autoescolas
40
4.2. RISCOS ASOCIADOS Á FORMACIÓN EN CIRCUÍTO PECHADO
Nesta sección descríbense os riscos máis comúns durante as clases prácticas en
circuíto pechado.
Clasificamos os riscos en función da clase de tipo de permiso de que se imparte.
4.2.1. Permisos A, A1, B+E e B96
Instrúese ao profesorado de prácticas para baixar as motocicletas dos remolques
utilizando ramplas ou con axuda doutra persoa?
Se os materiais pesan máis de 25 kg, non deben levantarse por unha soa persoa, é
necesario buscar axuda doutro traballador ou utilizar axudas mecánicas. Informar o
profesorado do risco da carga e descarga e a correcta forma de realizar un levantamento
seguro (técnica de levantamento de Davis).
O profesorado de prácticas garda distancia de seguridade prudencial durante as
prácticas de motocicleta para evitar un atropelo?
Informar o profesorado para que garde distancia de seguridade.
O profesorado de prácticas leva pantalóns e luvas cando manipulan as motocicletas
unha vez acabadas as prácticas, evitando queimaduras coas partes quentes da
mesma?
Informar os traballadores de tales riscos e proporcionarlles os EPI´s necesarios para o
seu uso (exclusivamente individual).