22 / 60
Prevención de Riscos Laborais en Autoescolas
20
Factores psicosociais
son as condicións que se atopan presentes no traballo e que
teñen capacidade para afectar ao benestar e á saúde dos traballadores. En principio esta
definición é neutra e carece de compoñente de perigo. Estes factores transfórmanse nun
risco cando aparecen na contorna laboral de forma incorrecta, por exemplo se existen
situacións frecuentes de agresividade e violencia por parte do alumnado ou familiares,
cando os traballadores non teñen suficiente formación, ou esta é incompleta, para a tarefa
que desenvolven ou cando os traballadores non coñecen con exactitude como actuar ante
determinadas situacións (conflito de rol), por pór só algúns exemplos.
Existe unha gran variedade de riscos psicosociais: violencia no traballo, acoso laboral,
conflito de rol, ambigüidade de rol, falta de apoio social, falta de formación, etc. Os
traballadores/as, ao estar expostos a estas situacións, xa teñen a posibilidade real de sufrir
un dano na saúde, que será proporcional á frecuencia coa que se padeza esta situación e
ao perigo potencial propio de cada risco.
A exposición continuada das persoas a riscos psicosociais xeralmente produce
TENSIÓN
LABOR
AL, que é unha reacción fisiolóxica e psicolóxica do organismo cando se atopa
cunha situación de ameaza. É o resultado da incapacidade dos individuos de estar á altura
das esixencias ou as expectativas postas neles.
A EXPOSICIÓN CONTINUADA DE TENSIÓN ACABA PRODUCINDO DISTINTOS
TRASTORNOS PARA A SAÚDE, QUE PODEN IR DESDE ALTERACIÓNS DE TIPO
GASTROINTESTINAL, TENSIÓN MUSCULAR, PALPITACIÓNS E HIPERTENSIÓN,
ATÉ ESTADOS DE ANSIEDADE, DEPRESIÓN E SÍNDROME DO QUEIMADO.
A avaliación de riscos deste apartado no OiRA
fai incidencia en factores psicosociais
que é preciso controlar: carga de traballo, formación dos traballadores, participación dos
traballadores, certa autonomía na aplicación do traballo, información sobre o grao de
realización do desempeño da tarefa, boa comunicación e ambiente laboral.
RISCOS ASOCIADOS Á
ORGANIZACIÓN DO TRABALLO
1.