24 / 60
Prevención de Riscos Laborais en Autoescolas
22
PREGUNTAS DA AVALIACIÓN DE RISCOS DO OIRA
Evítase a existencia de postos cunha presión temporal excesiva de modo habitual?
Hai que ter en conta os períodos concretos de tempo onde poida existir unha carga de
traballo maior á habitual, tomando as medidas organizativas concretas para liquidar esta
situación puntual.
Proporciónase aos traballadores a formación, os medios técnicos e o apoio
organizativo necesario para o correcto desenvolvemento das súas tarefas e
obrigacións laborais?
Unha adecuada formación do traballador proporciónalle unha maior efectividade laboral.
É imprescindible dispor das ferramentas e medios técnicos básicos para a realización
do devandito traballo: computadores adecuados, cadeiras ergonómicas ou coches
cómodos e ben equipados, sen os cales se xera insatisfacción e tensión laboral. Un
apoio organizativo por parte dos seus superiores permítelles sentirse apoiados ante as
dificultades das súas tarefas, diminuíndo o risco de tensión.
Os traballadores participan nas decisións que poidan afectar o seu posto de traballo?
Os traballadores deben participar nas decisións que poidan afectar o seu posto de
traballo, achegan coñecemento práctico do mesmo e failles sentirse implicados e
partícipes na toma de decisións, o que reduce significativamente a posibilidade de
sufrir tensión.
Préstase unha atención especial á organización dos postos de traballo que esixen
contacto habitual con clientes e persoas alleas á empresa?
O trato habitual con clientes xera conflitos de relación, cuxa manifestación extrema se
coñece como síndrome do queimado. É importante formar aos traballadores no trato
con clientes e en resolución de conflitos. Na dirección
testprl.saludlaboral.org/burnouthai un
instrumento de medida da devandito síndrome.
Favorécese a autonomía dos traballadores para administrar as súas pausas, regular o
seu ritmo de traballo e organizar as súas tarefas?
Certa autonomía do traballador á hora de administrar o seu ritmo de traballo e organizar
as súas tarefas é unha das principais fontes de satisfacción laboral, mentres que a súa
total ausencia xera moita tensión.