32 / 60
Prevención de Riscos Laborais en Autoescolas
30
2.5 RISCOS DAS INSTALACIÓNS E OS RECEPTORES
ELÉCTRICOS
De forma xeral é importante evitar calquera tipo de manipulación das instalacións
eléctricas. Dita manipulación debe quedar restrinxida a persoal autorizado.
Os traballadores foron avisados de que non deben realizar ningún tipo de reparación
eléctrica, incluso as máis sinxelas?
Débese comunicar aos traballadores a obrigatoriedade de absterse de realizar calquera
tipo de reparación eléctrica, quedando esta limitada a un instalador autorizado.
Os traballadores foron formados para deixar de utilizar calquera equipo eléctrico con
deterioración visible, notificando a incidencia ao responsable de mantemento?
Se algún traballador detectase calquera deterioración en equipos e instalacións
eléctricas, debe paralizarse o seu uso ata que se solvente o problema, realizando a
consecuente notificación da incidencia para que o responsable de mantemento poida
tomar as medidas oportunas.
A instalación foi realizada por un instalador autorizado, selado pola autoridade
competente?
Calquera instalación eléctrica debe ser realizada por un instalador autorizado. A
condición de instalador autorizado acredítase mediante a correspondente credencial de
instalador expedida polo Órgano competente en materia de industria das Comunidades
Autónomas (CCAA) e a súa inscrición no Rexistro de Instaladores da mesma.
A instalación mantense en bo estado de funcionamento e libre de modificacións
improvisadas (salvo as realizadas por un instalador autorizado)?
Queda totalmente prohibido realizar calquera tipo de modificación na instalación
eléctrica salvo as realizadas por un instalador autorizado.